21. Osasun Jardunaldiak: Ikerkuntza: ezagutzatik ekintzara
Saio Klinikoetan Erizain. Laguntzaileen Zeregina
Egileak: Mari Mar Zarate Sañudo, Mari Cruz Hernandez de la Granja, Josefi Arana Basterrechea, Olaia Fernandez Berrizbeitia, J. Miguel Aranburu Albizuri, Natalia Rivera Garcia
Basurtuko Ospitalea - Ikerkuntza Saila - Erreumatologia Zerbitzua
Sarrera
SARRERA Erreumatologia ikerkuntza sailean ikerketa eta saio kliniko anitz egiten ditugu urtean zehar. Erreumatologoek pazienteak aztertu, diagnostikatu eta tratatu egiten dituzte. Pazienteak nola dauden jakiteko haiekin egiten dute berba eta bestalde, datu objektiboak ere behar dira. Horretarako neurketa batzuk egin behar dira eta eskala eta itaunketari erantzun behar zaio.Helburuak
HELBURUA Erreumatologia zerbitzuko erizainen eta euren laguntzaileen betebeharra azaldu nahi dugu, gehien bat ikerketa lanetan.Metodoak
MATERIAL ETA METODOAK Erizain taldeak galdetegiak pazienteekin bete egiten dituzte. Galdera multzo hauek nahasgarriak izaten dira eta hasieran paziente hauek laguntza behar dute betetzeko. Bestalde, galdera guzti hauek zenbatekotu egin behar dira eta horren arabera gaixotasunaren larritasuna eta tratamenduarekiko erantzuna taldeka daitezke. Erizainak eta laguntzaileek testak bukatu ondoren, erantzunak batu, informazioa bildu eta prozesatu egiten da. Bestalde, odol analisiak egiten dituzte eta tratamenduak ipintzen dizkiete pazienteei, euren erantzuna kontrolatuz. Beste zereginen artean, honako hauek dituzte: tratamendua nola hartu azaldu, xiringekin eta soberazko pilulak nola bueltatu eta konplikazioak agertzekotan zer egin behar duten azaltzen diete pazienteei.Emaitzak
EMAITZAK Ikerkuntza sailetan erizain eta laguntzaileen lana oso lagungarria da, datu asko prozesatu egin behar dira eta. Euren laguntzak bizkortu egiten du asko ikertzaileen lana. Bestalde, pazienteak arreta hobeagoa jaso eta zainduak sentitzen dira.Ondorioak
ONDORIOAK - Erizain sailak pazienteekin harreman estua du - Klinikan erabiltzen diren galderak nahasgarriak izaten dira eta laguntza behar dute pazienteek erantzuteko. - Erizainen eta laguntzaileen lana lagungarria da saio klinikoetanAzken Berriak
Hitzez hitz, etorkizuna berreraiki
Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...
Osagaiz aldizkariaren zenbaki berria sarean dago
Osagaiz osasun-zientzien aldizkariaren zenbaki berria sarean dagoela jakinarazi nahi dizuegu. OEE-Osasungoa Euskalduntzeko Erakundeak eta UEU-Udako Euskal Unibertsitateak egindako argitalpenean, medikuntzari buruzko denetariko artikuluak aurkituko ...
