21. Osasun Jardunaldiak: Ikerkuntza: ezagutzatik ekintzara
Heziketa diabetologikoa adineko gaixoengan
Egilea: Rakel Santos Conde
Zumarragako Ospitalea - Endokrinologiako Zerbitzua
Sarrera
SARRERA Heziketa prozesu guztiek osasuna eta pertsonen bizitzarentzat onurak dituzte bai sozialki eta bai ekonomikoki ere. Diabetes Mellitusa duten pertsonek, beraien gaixotasunaren parte hartze aktiboaren beharra bermatzen dute hamaika ikerketek. Gehienetan ospitaleko egonaldi eta konplikazio kroniko eta akutuen jaitsiera ematen dela diote. Gaur egungo bi ikerketek (DCCT eta UKPDS) heziketa diabetologikoa egitearen garrantzia frogatu dute. 260.000 pertsona Euskadin diabetikoak dira eta hauetako asko 65 urtetik gorakoak, hau da, adinekoak. Zahartzaroa etengabeko prozesu biologikoa da, honekin batera, eguneroko bizitzako ekintzak aurrera eramateko gaitasun sentsorialen gain-beherakada bat dago. Kontzeptu berriak ulertzeko eta hainbat ekintza egiteko zailtasunari, batzuk pairatzen duten isolamendu soziala eta maila ekonomikoaren galerari gehitzen badiogu, ulertu dezakegu, intsulinizazioarekin hasteko orduan, adineko pertsona, arrisku handikoa dela. Horregatik heziketa diabetologikoa egitean, paziente bakoitzaren egoera mentala, ekonomikoa eta sozialari moldatzea ezinbestekoa izango da.Helburuak
HELBURUA Adineko pertsonak, laguntzarekin edo/eta laguntzarik gabe, intsulinarekin jarritako tratamendu berriaren erabilpen egokia egitea.Metodoak
METODOAK Heziketa hau banakakoa izango da, bai gaixoaren bai laguntzailearen parte hartzea bultzatuz. Kontsultan egingo da heziketa, aurretik tratamendu berria jartzearen irizpideak azalduko dizkie endokrinologoak. Egokitua izan beharko da, modu erraz eta pixkanakako batean emango da. Gaixoak izan ditzakeen ikusmen, entzumen, ezintasun psikologiko edota fisikoak kontutan hartu beharko ditugu.Emaitzak
EMAITZAK ETA ONDORIOAK Zumarragako ospitalean endokrinologiako kontsultan intsulinizatu diren adineko gaixoek, tratamendua nola eta zertarako erabili behar duten jakingo dute. Tratamendu berri honekin kontutan hartu behar dituzten zainketa bereziak ere ezagutuko dituzte. Ondorio bezala esan, heziketa diabetologikoa jasotzen duten gaixoen osasun emaitzak, jasotzen ez dutenenak baino hobeak izango direla aurreikusten da.Azken Berriak
Sarean dira "Osatuberri" aldizkariko irakurgai berriak
Osakidetzako euskara-aldizkariaren azaroko hainbat irakurgai daude jada. Horietako batean, Begoña Velasco Bilbo-Basurtuko ESIko Prebentzioko Oinarrizko Unitateko erizainari eta Beatriz Martinez arlo bereko teknikariari hitza eman diete. Osasunbib...
Donostia Ospitalean ere ospatuko dute Euskararen Eguna
Abenduaren 3ko Euskararen Egunaren inguruan, biharramunean, ekitaldia egingo dute Donostia Unibertsitate Ospitalean. Gauzak horrela, hilaren 4an, asteazkenean, besteak beste, Biogipuzkoako adituak izango dira adimen artifizialari eta osasunari buruz hit...
