22. Osasun Biltzarra: Osasun-langileon erronka berriak
5.1. Anestesian eta bizkortzean segurtasuneko notifikazio- sistema (Sensar), pazienteen segurtasuna hobetzeko erronka berria
Egileak: Aitziber Etxebarria Agorria, Miren Zuriñe Lauzirika Jauregi, Iratxe Gonzalez Larrabe, Unai Ortega Mera, Sorkunde Telletxea Benguria
Osakidetza. Galdakao-Usansolo Ospitalea. Anestesiologia, Bizkortzea eta Minaren Tratamendurako Unitatea.
Sarrera
1999. urtean “To err is human” txostenak adierazi zuen bezala, anestesia da pazientearen segurtasunean aurrerakuntza gehien sustatu duen espezialitatea. Intzidenteak komunikatzeko sistemak oinarrizkoak izan dira haietatik ikasteko eta segurtasuna hobetzeko arrisku handiko enpresatan. 2000. urtean David Gaba anestesista eta pilotuak, anestesian heriotza-tasa jaistearen arrazoiez hitz egin zuen British Medical Journalek argitaratutako monografikoan. SENSAR elkartea, anestesia eta bizkortze espezialitatearen arloan gertatzen diren jazoera kritikoen berri emateko eta analisia kudeatzeko xedez sortu zen lehen sistema da. Ospitale askok osatzen dute eta irabazi-asmorik gabeko elkartea da.Helburuak
- Anestesia, bizkortze eta minaren tratamendurako unitateetan segurtasunaren kultura sustatzea. - Ospitaleen artean pazienteen segurtasunaren inguruko gertakarien berri elkarri eman eta, hala behar denean, segurtasun-alertak sortzea. - Ospitaleen artean, gertakari kritikoen azterketan, bigarren iritziak eskatzeko aukera eskaintzea. - Pazientearen segurtasunaren aldeko prozedura eta gida klinikoak garatzea.Metodoak
ANESTIC datu-basearen bitartez, pazientearen segurtasun-tartea gutxitzen duten edo gutxitu dezaketen jazoerak jakinarazten dira, gertaera horren emaitza eta akats baten ondorioz gertatu izan den ala ez kontuan hartu gabe. Ospitale bakoitzean sortutako batzordeko adituek gertaerak aztertzen dituzte. Ondoren, hobetzeko neurriak proposatzen dituzte eta, hala behar denean, segurtasun alertak sortu. Neurri edo alerta hauek ospitaleen artean batera ipintzen dira.Emaitzak
Proiektu berria da eta oraindik emaitzei buruz hitz egiteko goiz da. Azken urteetan ospitale asko gehitu zaizkio, eta lagina oso heterogeneoa da momentuz. Gure ospitalean kasu gutxi komunikatu diren arren, anestesiaren aurreko kontsultan antolakuntza hobetzeko neurriak martxan jarri dira sistema honi esker.Ondorioak
- Gertakariak biltzea ez da helburua, osasun sistemaren ahulguneak jakinaraztea baizik. - Gertatzen dena jakitea ez da nahikoa, neurriak hartu behar dira. - Analisia eta feedbacka oinarrizkoak dira. - Aldaketa kulturala funtsezkoa da eta denbora behar du.Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
