Helburuak

Kardiobertsioaren helburu nagusia, arritmia kardiakoak zuzentzea da, erritmo sinusal jakin bat lortuz. Teknika hau, medikazioaren bidez ezer lortzen ez denean erabiltzen da. Indikazioak: Fibrilazio Aurikularra, Flutter Aurikularra, Takikardia aurikular paroxistikoa eta Pultsudun Takikardia bentrikularra.

Metodoak

4 pausu jarraitu behar dira: 1. MATERIALA PREST EDUKITZEA: -Monitorizazio elektrodoak -Botatzeko elektrodo itsasgarriak -Monitore bifasiko konprobatua -Oxigeno-maskara eta betaurrekoak -Guedel hodia eta anbua eskura edukitzea -RCP karroa eta intubazio-materiala -EKG aparatua -Zain kateterizaziorako materiala -Medikazio lasaigarria: fentanilo eta propofola -Larrialdietarako medikazioa: atropina eta adrenalina -Konpresa eta furazin pomada 2. GAIXOAREN PRESTAKUNTZA: -Gaixoaren identifikazioa ziurtatzea -Gaixoari teknikari buruzko informazioa ematea -Gaixoa lasaitzea -Erizain grafikoa zabaltzea -6-8 ordu baraurik dagoela konprobatzea -Haginordeak eta bitxiak kentzea -Oxigenoa jarri beharrezkoa bada -Konstanteak hartzea: bihotz-frekuentzia, TA eta O2 saturazioa -EKG egitea erritmoa konprobatzeko -Zain-kateterra konprobatzea -Koagulazio maila konprobatzea -Burukoa kendu eta ohe-burua jaistea 3. TEKNIKA MARTXAN JARRI -Gaixoa gorantza begira dagoelarik, gerritik gora biluztu eta monitorizatzea -Monitore bifasikoa era sinkronizatuan jartzea: konprobatu QRSa nabarmentzen duela -Elektrodo itsasgarriak jarri: bata, eskumako klabikula azpian esternoiarekiko paralelo, eta bestea bihotzeko apexean -Konstanteak hartu -Oxigenoa kendu -Medikuak karga aukeratuko du -Medikazio lasaigarria administratu medikuak esaten duenaren arabera -Gaixoaren kontzientzia konprobatu -Pertsona guztiak ohetik urrunduta daudela konprobatu -Deskarga egin -Erritmo sinusalean sartu den konprobatu. Horrela ez bada, deskarga berriro errepikatu beharko da, karga handiagoa erabiliz (3 aldiz gehienez, 2-3 minutuko tarteekin) 4. KARDIOBERTSIO OSTEKO ARRETA -Oxigenoterapia jarri, anbuarekin eman beharrezkoa bada -Konstanteak kontrolatu, pazientea guztiz errekuperatu arte -EKG egin -Gaixoaren kontzientzia maila kontrolatu -Furazin pomada eman deskarga izan den tokian eta konpresak jarri -Adi egon konplikazioak ager ez daitezen -Pazienteari informatu prozedura amaitu dela eta galdetu min edo arazorik duen

Ondorioak

Kardiobertsioak bere konplikazioak dituen arren (enbolismo sistemikoa, hipotentsioa, erredurak, EAP, erritmo alterazioak,…), konplikazio hauek %5era baino ez dira iristen. Arrakasta aldiz, %90 inguruan dabil. Hori dela eta, kardiobertsioa, arritmia kardiakoak hobetzeko prozedura garrantzitsuan bihurtu da eta erizainaren papera hain garrantzitsua izanik, ezinbestekoa iruditzen zaigu gure lana dokumentatua egotea.