Helburuak

Obesitate morbidoaren kirurgian, laparoskopia bidez operatutako pazienteak aztertu dira kirurgia ondoren kolelitiasia garatu duten baloratzeko.

Metodoak

Atzera begirako analisia eginez, Gurutzetako Ospitalean laparoskopia bidez operatu diren 100 obesitate morbido kasu aztertu ditugu. Kirurgia aurretik, kolelitiasia baloratzeko, ekografia abdominala egin zen. Kasu positiboetan obesitate kirurgiaz gain, kolezistektomia egin zen. Beste kasuetan aldiz, kolelitiasiaren garapena aztertu zen.

Emaitzak

100 pazienteetatik 14, koleziztektomia egina zutenez, ez ziren analisian sartu. Geratzen diren pazienteetatik %73.3ak emakumeak ziren. Bataz besteko adina 42.43 (24-63) urtekoa izan zen. Kirurgiaren aurretik egindako ekografian kolelitiasia zuten 12 paziente diagnostikatu zirenez, kirurgian behazun-xixkua kendu zitzaien. Kolezistektomia egiteak ez zuen eragin adierazgarririk izan egonaldi-denboran, kirurgiaren iraupenean, ezta konplikazioetan ere. 39 (+18) hilabeteko jarraipena egin ostean, 9 pazientek kolelitiasia garatu zuten. Ondorioz, guztiei, laparoskopia bidez kolezistektomia egin zitzaien konplikaziorik gabe.

Ondorioak

Kirurgia irekiko garaian, autore askok, bypass gastriko guztietan kolezistektomia egitea bultzatu zuten. Hala ere, laparoskopia bidezko kirurgian ez dago adostasunik. Gure emaitzak aztertuz eta gure pazienteetan kolelitiasiaren garapena baxua (a) izanik, ekografia positiboa duten pazienteetan soilik egokia izango litzateke kolezistektomia egitea.