22. Osasun Biltzarra: Osasun-langileon erronka berriak
5.20. Lesio muskulueskeletikoak kontsultetako osasun langileetan
Egileak: Mª Mar Zarate Sañudo, Mª Cruz Hernandez De La Granja, Josefa Arana Basterrechea, Olaia Fernandez Berrizbeitia, Jose Miguel Aramburu Albizuri
Osakidetza. Basurtu Ospitalea. Erreumatologia Zerbitzua.
Sarrera
Basurtu Ospitaleko Kanpo Kontsultetako osasun langileek lesio muskulueskeletiko ugari erakutsi dituzte azken urteotan. Historia klinikoek pisu handia dute eta bestalde, jende asko etortzen da egunero kontsultetara. Bi arrazoi hauek, bertako langileek jasaten dituzten lesioen arrazoi izan daitezke. Lesio muskulueskeletiko hauen artean honako hauek izaten dira ohikoenak: lepoko mina, sorbaldako mina (tendinitisa, tendoien haustura), ukondoko, eskumuturreko eta eskuko lesioak (humeroko epikondilitisa edo epitrokleitisa, tunel karpianoaren sindromea eta tenosinobitisa). Guzti horretaz gain, estresa eragiten duten egoerak egoten dira, hala nola, ordutegia bete beharra, pazienteak kontrolatu beharra eta historia klinikoak beti prest egon behar izatea. Hau dela eta, langileak gaizki senti daitezke bere lantokian, zenbait kasutan deprimitu ere egiten dira eta ondorioz, laneko absentismoa handitu egiten da.Helburuak
Kanpo kontsultetako osasun langileen artean lesio muskulueskeletikoak eta estresa eragoztea.Metodoak
Langileek Ospitalean jasaten dituzten lesio muskulueskeletikoak diagnostikatzeko, Ospitaleko mediku espezialistarenera jo behar dute eta honek zenbait froga eskatuko ditu azterketa sakon baten ondoren: 1. Odol analisia 2. Erradiologia teknikak: erradiografia sinplea, erresonantzia magnetikoa edo eskanerra 3. Ekografia muskulueskelitikoa eta atal bigunena. Azken hau erreumatologoek burutzen dute euren eguneroko kontsultetan, inolako erradiaziorik gabe. Behin diagnostikoa eginda, langilea osasuntsu egoteko berriro ere tratamendu espezifikoa ipiniko dio medikuak. Horretarako botikak, atsedena edota errehabilitazioa ditugu eskuragarri. Pazientea egoera estresagarrien aurrean gogaikarri sentitzen bada, medikuak laguntza psikologikoa eskainiko dio.Emaitzak
Kanpo Kontsultetako langileetan ematen diren lesioak aztertu ondoren, lesio muskulueskeletikoak eta estres kasuak handitu egin direla konfirmatzen da.Ondorioak
Kanpo Kontsultetako osasun langileek lesio fisiko zein psikologiakoak aurkezten dituzte euren eguneroko betebeharretan. Azterketa honen bitartez, lesioak ekiditeko prebentzio protokoloak ezinbestekoak direla ikusten da. Horretarako zenbait ideia garrantzitsu daudela deritzogu: - Lesio muskulueskeletikoak eman ez daitezen prebentzio-neurriak behar dira - Historial klinikoak digitalizatu behar dira, paperen pisua ekiditeko - Lanean gorputzeko jarrera osasuntsuak eta luzatzeak ikasteko ikastaroak - Erlaxazio eta psikearen kontrola maneiatzeko ikastaroakAzken Berriak
Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.
Ekitaldia apirilaren 1ean, ...
"Ikerketa-sareak sustatzea da Pediatria Topaketen helburuetako bat"
Apirilaren 3an egingo dituzte XVII. Pediatria Topaketak, Eibarren, Euskal Herriko Lehen Mailako Pediatria Elkarteak eta Euskal Herriko Pediatria Elkarteak antolatuta, OEE-Osasuna Euskalduntzeko Elkartearen eta UEU-Udako Euskal Unibertsitatearen laguntza...
