Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

23. Osasun Biltzarra: Haurtzarotik Gaztarora...

5.1 Lebetirazetama eta eragin psikiatrikoak haurrengan

Egileak: Ruben Peinado Jaro, Lorea Gonzalez Rojas, Lorea Imirizaldu Monente, Olatz Olaziregi Zabaleta

Nafarroako Ospitalegunea


Sarrera

1997an, lebetirazetamaren erabilera baimendu zen, 16 urtetik gorakoen epilepsia partzialaren tratamendurako. Atzera begirako ikerketek lebetirazetamak haurrengan eraginkortasuna duela erakutsi badute ere, oraindik ez dago fidagarritasun altua berresten duenik.

Helburuak

Lebetirazetam medikamentuaren eragina eta kontrako eragin psikiatrikoen azterketa haurrengan.

Metodoak

Hainbat idazkiren azterketa egin da, datu-baseetan bilatuaz.

Emaitzak

Lebetirazetama gaixo pediatrikoen epilepsia mota askotan erabili dela ikusi da. Medikamentu honen profil farmakozinetikoa oso onuragarria da, beste farmako batzuen aldean elkarreragin txikia duelako, eta, bioerabilgarritasuna, berriz, altua duelako. Eta, batez ere, eraginkortasun-maila ezberdinak erakutsi ditu epilepsia partzial eta jeneralizatuetan eta hainbat sindrome epileptikotan (Punta zentrotenporalak dituen Epilepsia Onbera, Lennox-Gastaut-en Sindromea, Jeavons-en Sindromea, Gaztaroko Epilepsia Mioklonikoa). Aldi berean, aukera bat izan daiteke tratamendu zaileko epilepsietan.

Bestalde, adin honetako gaixoetan honelako nahi gabeko eraginak ager daitezke: logura, astenia, anorexia, urduritasuna, oldarkortasuna, izaera- aldaketak, antsietatea, depresioa, psikosia, etab. Sintomak denboran mugatuak dira, eta, normalean, hasieran agertzen dira. Iraunkorrak direnean, hartzeari uztean desagertu ohi dira.

Ondorioak

Lebetirazetama medikamentu ziurra eta ongi toleratzen dena, eta frogatua dago haurrengan duen eragina, batez ere 4 urtetik gorako haurretan eta monoterapian nahiz lagungarri bezala.

Hala ere, kontuan hartu behar dira agertzen diren nahi gabeko ondorio psikiatrikoak, ezaugarriei eta larritasunei dagokienez.

Horregatik, oso garrantzitsua da medikamentu hau hartuko duten eta jokabide-zein emozio-arazoak izan dituzten gaixo pediatrikoen jarraipen zehatza egitea.

Bibliografia

- Emergent  Complications  of  the  Newer  Anticonvulsivant.  Jeffrey  F.  Wade,  Chat  V.  Dang,  Lowell  Nelson,  and  Jonathan  Wasserberger.  The  Journal  of  Emergency  Medicine,  Vol.  38,  No.  2,  pp.  231–237,  2010.

- Experience  with  levetiracetam  in  the  treatment  of  childhood  refractory  epilepsy.  M.  Doumbia-Ouattara,  E.  Bourel-Ponchel,  A.-G.  Le  Moing,  L.  Querne,  A.  Delignières,  A.  de  Broca,  P.  Berquin.  Archives  de  Pédiatrie  2012;  19:3-8.

- Levetiracetam  in  Childhood  Epilepsy.  Alberto  Verrotti,  Ebe  D’Adamo,Pasquale  Parisi,  Francesco  Chiarelli  and  Paolo  Curatolo.  Pediatr  Drugs  2010;  12  (3):  177-186. 

- The  safety  of  levetiracetam,  Deepa  Sirsi  &  Joseph  E  Safdieh,  Expert  Opin.  Drug  Saf.  2007;  6(3):241-250.

- Uso  de  levetiracetam  en  monoterapia.  A.  Molins  Albanell.  Kranion.  2011;  8:8-14.

Azken Berriak

Hitzez hitz, etorkizuna berreraiki
Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...
Osagaiz aldizkariaren zenbaki berria sarean dago
Osagaiz osasun-zientzien aldizkariaren zenbaki berria sarean dagoela jakinarazi nahi dizuegu. OEE-Osasungoa Euskalduntzeko Erakundeak eta UEU-Udako Euskal Unibertsitateak egindako argitalpenean, medikuntzari buruzko denetariko artikuluak aurkituko ...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan