23. Osasun Biltzarra: Haurtzarotik Gaztarora...
5.15 Espektro zabaleko betalaktamasak dituzten enterobakterioen epidemiologia klinikoa Gipuzkoako Goierri Urola, Debabarrena eta Debagaraia eskualde sanitario integratuetan
Egileak: Joxe Mari Manterola Martija, Ana María Iturzaeta Gorrochategui, Ainara Rodríguez Achaerandio, Mirian Alkorta Gurrutxaga, Jorge Taboada Gómez, Elisenda Miró Cardona, Ferran Navarro Risueño
Debabarrena ESIa (JMM, JTG); Goierri-Urola ESIa (AIG, MAG), Debagaraia ESIa (ARA), Hospital de Sant Pau. Bartzelona (EMC, FNR)
Sarrera
Espektro zabaleko betalaktamasak dituzten enterobakterioak (EZBL- enterobakterioak) gero eta gehiago isolatzen dira Gipuzkoa Mendebaldeko Eskualde Sanitarioan, non 225.000 inguru biztanle bizi diren.
Helburuak
-EZBL-enterobakterioek eragindako infekzioak dituzten pertsonen ezaugarri kliniko-epidemiologiak deskribatzea.
- Anduien antibiotikoekiko erresistentzia ezagutzea eta EZBL dituztenen eta ez dituztenen arteko anduien konparaketa egitea.
Metodoak
- Anduiak 2010ean eta 2011n bildu ziren.
- Antibiotikoarekiko sentsibilitatea jakiteko CLSIren 2010eko arauak jarraitu ziren.
- Datu kliniko-epidemiologikoak eta mikrobiologikoak aztertzeko beharrezko test estatistikoak erabili dira, ji karratua besteak beste.
Emaitzak
- E. coliaren 9.389 andui (%5,8 EZBL) eta K.pneumoniaearen 778 andui (%6,9 EZBL) isolatu ziren. E. coliaren anduien %95 eta K. pneumoniaearen %92 gernuko laginetan isolatu ziren.
- Guztira, 592 pertsonak izan zuten EZBL-enterobakterioak eragindako infekzioa; hala, intzidentzia-tasa 131,6/100.000 da biztanleko eta urteko.
- Gaixoen %72,8 emakumeak izan ziren, eta batez besteko adina 71,8 ( 21,6) urtekoa izan zen.
- Infekzioen %6,4 ospitaleratutako gaixoen artean gertatu zen, baina infekzio nosokomiala gaixo guztien %1,9k baizik ez zuen izan 4 gaixo zentro soziosanitarioetan bizi ziren.
- Gernuko infekzioak izan ziren ohikoenak (%91,6). Gaixoen %3,9k bakteriemia izan zuten. Infekzioak hilabete baino gehiago iraun zien 6 pertsonari.
- EZBLak zituzten E. coliak EZBLak ez zituztenak baino erresistenteagoak ziren estatistikoki (modu esanguratsuan): zefotaximarekiko (%93 vs. %1), zeftazidimarekiko (%38 vs. %1), zefepimarekiko (vs. %0,04), ziprofloxazinorekiko (%74 vs.) eta kotrimoxazolarekiko (%48 vs. %23). Gauza bera gertatzen zen K.pneumoniaearen anduietan.
Ondorioak
- EZBL-enterobakterioen intzidentzia-tasa 131,6/100.000 izan da, biztanleko eta urteko.
- E.colien %5,8k eta K.pneumoniaeen %6,9k EZBLak dituzte. EZBL- enterobakterioen %92,2 E.coli izan da.
- EZBL-enterobakterioak komunitatean dauden pertsonen artean isolatzen dira gehienetan, emakumeetan, batez besteko 71,8 (+- 21,6) urte dituztenetan, eta %91,6 gernu infekzioak izaten dira. Infekzioak hilabete bat baino gehiago irauten du (6 lagun).
- EZBL-enterobakterioak erresistenteagoak dira, estatistikoki modu esanguratsuan, honako antibiotikoekiko: zefalosporinarekiko, kinolonarekiko eta kotrimoxazolarekiko.
Bibliografia
ESKER ONA
Ikerlan hau Eusko Jaurlaritzako Osasun Sailak ikerketarako emaniko 2009111017 espediente zenbakia duen laguntzarekin egin da.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
