Helburuak

Indikazio nagusitzat haurren entzumenaren balorazio objektiboa egitea duen teknika neurofisiologiko honen azalpena egitea, eta beste erabilerak eta mugak azaltzea.

Metodoak

Egunean dauden gida internazional eta idazki ezberdinen azterketa.

Emaitzak

EEPak sortzeko aurikular batzuen bitartez eragiten diren klik soinuak erabiltzen dira (frekuentzia guztiak jasotzen dituztenak). Helduen erregistro estrategia berdina erabiltzen da (10-20 elektroentzefalografia-sistemaren arabera A1, A2 eta Cz), adinaren eta garezurraren ezaugarrien arabera (fontanela adibidez) kokapena egokituaz. Erregistroa garbia izan dadin, haurrak erlaxatua egon behar du, entretenituta (musika, telebista,...) edo lo.

Horrela, oso egonkorrak diren 5 erantzun agertzen dira nagusiki, entzumen- bidearen zenbait puntutan sortuak. Belarriak banaka eta soinu-intentsitate ezberdinetan estimulatuaz, EEPak jasotzen dira; erantzunen presentzia, latentzia  eta  intentsitate-latentzia  kurbak  aztertuz.  Entzumenaren  arazo konduktibo mota ezberdinek erantzunen ezaugarriak aldatuko dituzte.

Entzumen-sistema haurrengan lehenengo garatzen den bide sentsoriala da.

EEPak 25 asteko haurdunaldia izan duen haur batean jaso daitezke (latentzia altuko eta tamaina txikiko erantzunak badira ere) eta helduen balioak 2-3 urtetarako lortzen dira.
 

Ondorioak

Nagusiki, EEPak haurren entzumenaren garapena baloratzeko erabili ohi dira, baina beste hainbat egoeratan ere erabilgarriak dira:

- Entzumen bideko zein garuneko lesioak izateko arriskua duten haur goiztiarrak.

- Nerbio sistemaren zein entzumenaren garapenean arazoak izateko arrisku handia duten haurrak (arazo perinatalengatik): jaiotzeko pisu baxua, hipoxia perinatala, Apgar baxua, anomalia kraneofazialak.

- Koman dauden haurren ebaluazioa, Eragindako Potentzial Somatosentsorialekin batera.

- Hitz egiteko arazoak dituzten haurren ikerketa, hipoakusiaren diagnostiko goiztiarra egiteko.

- Beste batzuk: fetopatia toxikologikoetan (alkohola, kokaina, …), erdi- belarriko otitisaren tratamenduaren balorazioa, etab.