Helburuak

Kasu kliniko baten bitartez eritasun honen errebisio bat egitea eta krisi epileptikoen diagnostiko diferentziala mahai gainera ekartzea.

Metodoak

Kontsultaren arrazoia:

- Buruko mina eta kontzientzia-galera. Aurrekariak:

- Krisi epileptikoa 12 urte zituenean, bere herrialdean tratatua: BOLIBIA.

Oraingo kontsulta:

43 urteko emakumea orain dela ordu bete, eskuineko eskuan parestesiak nabaritu ditu eta jarraian kontzientzia galdu du. Senideak izan duen krisi konbultsiboaren lekuko izan dira. Kontzientziara bueltatu denean nahasia agertu da. Orain buruko min orokorra eta berebizikoa.

PA: 150/80 mmHg, Pultsoa: 91lpm, Sat O2: %95, Fi O2: %21, Tª: 36.5ºC, Glasgow: 15. Izerditsu agertzen da eta antsietate askorekin. Azterketa Fisiko orokorra: normala.

Kontziente  eta  orientatuta,  hizkera  normala,  par  kranealak  normalak, iduneko gogortasunik ez, fokaltasunik gabe.

Emaitzak

Froga Osagarriak:

Analitika: Hb: 13.5 g/dl; Leukozitoak 5.700 (formula normala); Plaketak 327.000; INR: 0,92; Fribrinogenoa 387 mg/dl; ALT: 23u/l; beste guztia normala.

EKG: erritmo sinusala, 86 l/m.

Bularreko Rx: normala.

OTA Kraneala: Ezkerreko zonalde fronto-parietalean periferikoki, 3 cm- ko diametroko lesio kistikoa edemarik gabe, kaltzifikazio nodularrekin. Nabarmentasun apala kontrastearekin. Guztia fase besikularreko neurozistizerkosiaren iradokitzailea.

Izterreko Rx: Tamaina txikiko kaltzifikazio ugari, zistizerkosiarekin bateragarriak euren morfologiagatik.

Diagnostiko Diferentziala:

- Parasitosiak (zistizerkosia, trikinosia).

- Burmuineko minbizia.

- Tuberkuloma.

- Burmuineko abszesua.

- Toxoplasmosia.

Epai Klinikoa:

Eskuineko epilepsia rolandikoa Neurozistizerkosiak eragindakoa. ZISTIZERKOSI SISTEMIKOA.

Tratamendua:

Fortecortin® 1mg (DEXAMETASONA) (1p/6ordu) 2 astez Ezkazole® 400mg (ALBENDAZOL) (1,5-0-1) 2 astez

Ondorioak

Ziztizerkosia Erdi eta Hego Amerikan, Sahara azpiko Afrikan, Indian eta Asian orokorrean endemikoa da. Geure eremuan eritasun honen intzidentzia handituz joan da azken urteetan herrialde hauetatik etorritako immigrazioagatik.

Garapen-bidean dauden herrialdeetan, neurozistizerkosia helduengan ematen diren krisi epileptikoen kausarik ohikoena da. Immigrazioaren ondorioz bere prebalentzia handitzen ari da. Kontuan hartu beharreko eritasuna da helduengan ematen diren krisi epileptikoen diagnostiko eta kudeaketan.