Helburuak

Debabarreneko Eskualde Sanitario Integratuan (ESIan) eta Ermuan, 18 urte arteko pertsonengan beherakoak zein birus eta parasitok eragiten dituzten jakitea.

Metodoak

- 2003tik 2012ra bitartean, 2012a barne, Mendaroko Ospitalean jaso diren eginkarien azterketa burutu da, birusen eta parasitoen bila.

- Birusen antigenoak 3 urte arteko -3 urtekoak barne- umeen eginkarietan aztertu dira. 2008tik aurrera, Cryptosporidium parasitoen ookisteak bilatu dira 5 urte arteko umeen eginkarietan, eta kasu jakin batzuetan, baita helduenetan ere.

- Enterobius vermicularis-en –oxiuroaren- arrautzak Graham testaren bitartez bilatu dira.

Emaitzak

- 308 laginetan birus jakin baten antigenoa detektatu da.

- Rotavirus-en antigenoa 290 eginkarietan detektatu da. Birusa izan duten umeen %78 2 urte baino gazteagoa da eta %58 mutilak. Rotavirusa azarotik apirila artean agertzen da.

- 2010tik 2012a bitartean, Norovirus-en antigenoa 10 umeren eginkarietan detektatu da. Sei umek ez zuten urtebete ere.

- 7 Adenovirus eta 1 Enterovirus izan dira eginkarietan detektatutako beste birusak.

- Guztira, 287 pertsonaren laginetan parasitoren bat ikusi da. Ikusitako parasitoak honakoak izan dira: 85 Enterobius vermicularis, 63 Giardia lamblia, 45 Blastocystis hominis, 41 Cryptosporidium spp., 29 Entamoeba coli, 10 Endolimax nana, 7 Himenolepis nana, 2 Himenolepis diminuta, 2 Taenia saginata, 2 Entamoeba harmanii eta 1 Entamoeba spp.

- Azken bi urteetan, 109 parasito detektatu dira, beste urtetan baino gehiago; eta, Cryptosporidium (32 kasu) izan da gehien ikusi den parasitoa, oxiuroarekin batera (29 kasu).

- 2011n, Cryptosporium-ek Eibarko haur-eskola batean agerraldia eragin zuen eta 17 umek izan zuten beherakoa.

Ondorioak

- Urtero, neguan, Rotavirus-ak beherako ugari eragiten du.

- Norovirus-ak beherako asko eragiten du, diagnostikoa egiten ez den arren.

- Cryptosporidium spp., E.vermicularis eta G.lamblia dira parasito ohikoenak Debabarreneko EISan.

ESKERRAK
Maite Egigureni idazlanaren euskarazko zuzenketa egin duelako.