Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

23. Osasun Biltzarra: Haurtzarotik Gaztarora...

5.23 Renograma isotopikoaren baliagarritasuna, jaioberritan diagnostikatutako hidronefrosiaren jaio ondoko arretari dagokionez

Egileak: Amaia Otondo Barrenetxe, Elena Delgado Fuentes, Lorena Ventura Morata, Cristina Irisarri Nuin, Elena Goñi Girones, Carmen Estebanez Estebanez

Medikuntza Nuklearreko Zerbitzua. Nafarroako Ospitalegunea


Helburuak

Renograma isotopikoaren erabilera aztertzea eta emaitzak balioestea, jaioberritan diagnostikatutako hidronefrosiaren jaio ondoko arretari dagokionez.

Metodoak

Jaio aurretik hidronefrosia diagnostikaturiko eta jaio ondoren eginiko ekografian konfirmaturiko 53 paziente aztertu dira 2000ko urritik 2009ko ekainera arte.

Kasu hauetan, renograma isotopiko postdiuretikoa gauzatu zen, diuretikoaren injekzioarekin batera erradiotrazadorea emanez (gure kasuan MAG 3-Tc 99m).

4 patroi gammagrafiko ageri dira:

1. erabat butxatzailea.

2. butxatzaile partziala.

3. funtzionala.

4. laua.

Haur hauetatik, %89 gizonezkoak ziren. Batez besteko adina: 2,51 hilabetekoa (13 egun-urte 1). Pazienteen %49an (26 kasutan) hidrofenosia pieloureterala zen. Gainontzekoetan, ureterala ere bai.

Emaitzak

Hidronefrosi pieloureteralaren patroi erabat butxatzailea edo partziala zuten 16 pazientetatik (%61), 13ri kirurgia egin zitzaien (10 pieloplastia, 2 nefrektomia eta 1 transposizio ureterala).
Patroi laua izan zuen paziente bakarrari nefrektomia egin zitzaion.

Patroi funtzionala aurkeztu zuten 9 pazienteak (%35) tratamendu kontserbadorearekin ondo eboluzionatu zuten.

Ureterohidronefrosia zuten 27 pazienteetatik, 4k (,81) patroi laua zuten, guztiek IV. edo V. graduko errefluxu besikoureteralarekin. Haietatik biri heminefrektomia egin zitzaien, SMING-a bati eta besteari tratamendu profilaktikoa, eta sendatu egin ziren.

Beste 12 pazienteetan (%44) patroia erabat  butxatzaile  edo  partziala izan zen. Haietatik, 7ri kirurgia egin zitzaien, eta gainerakoei tratamentu profilaktikoa zein kontserbadorea.

Patroi funtzionala zuten beste 11 pazienteek (%41) normaltasunera eboluzionatu zuten tratamendu kontserbadorearekin.

Ondorioak

Renograma isotopiko diuretikoa baliagarria da umetoki barruan antzemandako hidronefrosiaren jaio ondoko arretan. Horrek tratamendu kontserbadorea egiteko aukera ematen digu, baita bilakaera ona izatekoa ere (butxadura duten pazienteengan izan ezik).

Bibliografia

1.-Guidelines for standard and diuretic renogram in children.Gordon I, Piepsz A, Sixt R; Auspices of Paediatric Committee of European Association of Nuclear Medicine. Eur J Nucl Med Mol Imaging. 2011 Jun;38(6):1175-88.

Azken Berriak

Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...
"Ikerketa-sareak sustatzea da Pediatria Topaketen helburuetako bat"
Apirilaren 3an egingo dituzte XVII. Pediatria Topaketak, Eibarren, Euskal Herriko Lehen Mailako Pediatria Elkarteak eta Euskal Herriko Pediatria Elkarteak antolatuta, OEE-Osasuna Euskalduntzeko Elkartearen eta UEU-Udako Euskal Unibertsitatearen laguntza...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan