24. Osasun Biltzarra: Osasun Hezkuntza
4.4 Errotabirusak eragindako gastroenteritisaren ondorio klinikoak Lehen Mailako Atentzioan
Egileak: MARGA IRIDOI AGUIRRE, PEDRO GORROTXATEGI GORROTXATEGI, AMAIA LOPETEGUI MENDIZABAL, ANDRY MELNYK , ALBA CANALDA GARCIA, ANE AGUIRRE CLARAMUNT, REBECA CASTAÑO BECERRIL
PASAI SANPEDROKO OSASUN-ZENTROA
4.4 Errotabirusak eragindako gastroenteritisaren ondorio klinikoak Lehen Mailako Atentzioan
Sarrera
Egun, errotabirusak sortzen duen gastroenteritisaren (GEAren) gaineko interesa handiagotu egin da pediatren artean, txertaketa dela medio prebenitu ahal den gastroenteritisa baita. Zentro hospitalarioetako kasuistikatik abiatutako ikerketa-lan ezberdinak daude, zeinetan haurrentzako eta beren senideentzako ondorioak aztertzen dituzten.
Helburuak
Lehen Mailako Atentzioan diagnostikatutako GEAk abiapuntu harturik, koprokultiboa egin den edo ez, kultibo horien emaitza, adina eta germen patogenoaren arabera egindako kontsulta aztertzea dira honako ikerketa-lanaren helburua.
Metodoak
Urtebeteren buruan Osasun Zentro batean emandako GEA guztien ikerketa-lan erretrospektiboa. Lehen mailako informatikaren bitartez aztertu dira aipatutako maila asistentzialean egindako kontsultak eta ospitaleko programa dela medio, hazkuntza-laginen emaitzak eta larrialdietan izandako kontsulta eta ingresuak. Gaixotasun kronikoak dituzten haurrak eta errotabirusaren kontrako txertoa jaso dutenak baztertu dira.
Eragin estatistikoa t-testaren probaren bidez egin da
Emaitzak
230 haurrez osatutako populaziotik, 5 urtetik beherako 295 episodio aztertu dira (1,28 episodio/haur/urte).
Errotabirusak eragindako GEA % 7a da eta 5 urtetik beherakoengan ikusitako intzidentzia 0,09 episodio/haur/urte da.
Kasu guztien gaineko % 62an ez da koprokultiborik egin eta ondorio klinikoa askoz ere arinagoa da (batezbesteko kontsulta 1,17±0,48), kultiboa egin den haurrengan baino ( 1,86 ±1,14 p>0,0001)
Salmonellak eta errotavirusak eragindako GEAk dira kontsulta gehien sortu dutenak ( 2,2 episodio urteko)
Urtebete baino gutxiagoko haurrek kontsulta gehiago behar izan dute (1,45±1,03) haur zaharragoek baino (1,36±0,7), aldea adierazgarria izan ez arren.
Ingresu bakarra, errotabirusak jota zegoen urtebetez azpiko haur batena izan zen.
Etiologia eta adina kontuan hartuta, datuak ondoko taulan jasotzen dira.
Ondorioak
GEAk jota dauden haurrengan eta Lehen Mailan koprokultiboa egin ez zaienen artean, ondorio klinikoa arinagoa da.
Errotabirusak eragindako GEAk, betiere, Lehen Mailan jasotako datuetatik abiatuta, 0,09 episodio/haur/urteko intzidentzia dauka eta bere ondorio klinikoa Salmonellak eragindako GEArekin alderatuta, antzekoa da.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
