Osasungoa euskalduntzeko erakundea

25. Osasun Biltzarra: Osasuna eta Kirola

5.13 Ariketa fisikoa ezinbestekoa da fibromialgia tratatzeko

Egileak: M. Cruz Fernandez De la Granja, M. Mar Zarate Sañudo, Raquel Cantalapiedra Suarez, Olaia Fernandez Berrizbeitia, Eduardo Ucar Angulo, Natalia Rivera Garcia, Juan Blanco Madrigal, Catalina Gomez Arango, Eva Galindez Agirregoikoa, M. Luz Garcia Vivar

ARIKETA FISIKOA EZINBESTEKOA DA FIBROMIALGIA TRATATZEKO

Sarrera

Fibromialgia sintoma multzo bat elkartzen duen sindromea da. Emakumezkoen artean gehiago ematen da. Pertsona hauek artromialgiak, nekea, tristura, loezina eta energia falta kontatzen dute. Honen funtsa minaren pertzepzioaren nahasketan dagoela pentsatzen da. Hori dela eta, mina sumatzen duten gune anatomikoak aztertzerakoan ez dugu lesiorik aurkitzen.

Helburuak

Fibromialgiak sortzen dituen artromialgiak eta loezina ariketa fisikoaren bidez hobetu.

Metodoak

Pazienteek askotan gihar-mina kontatzen dute. Gehienetan pertsona hauek antsietatea sumatzen dute eta honek mina intentsuago sentitzea ekartzen du. Bestalde, minduta daudenean, ariketa fisikoa bertan behera uzteaz gain, gero eta min gehiago nabaritzen dute martxan ipintzen direnean. Ondorioz, gurpil zoro bat sortzen da; min gehiago, ariketa gutxiago, ahultasuna handituz eta horrela etengabe artikulazioen zurruntasuna eta giharren atrofia aurkeztuz. Hori dela eta, lan guztietan ariketa fisikoa ezinbestekoa dela ikusi egin da. Erreumatologia zerbitzuan luzatze-ariketa zehatzak erakusten dizkiegu pazienteei. Antsietatea duten pazienteei horretaz gain, Yoga, Tai-xi edota Pilates ikastaroak egitea gomendatzen diegu. Erlaxazio-teknika hauek oso onuragarriak dira populazio guztiarentzat, baina antsietatea eta min muskuloeskeletikoa dutenentzat askoz gehiago. Oso onuragarria den beste kirola igeriketa dugu, muskulu talde guztiak aktibatu egiten baitira.

Emaitzak

Luzatze-ariketak eta erlaxazio-teknikak maiz egiten dituzten fibromialgikoak hobeto sentitzen dira, botika gutxiago behar dituzte eta bizi-kalitate hobeagoa dute.

Ondorioak

Fibromialgia duten paziente guztiei ariketa fisikoa egitea gomendatu behar zaie, bakoitzari dagokion neurrian (adina eta trebetasunaren arabera) eta mailakatua. Tratamenduaren parte ezinbestekoa da eta.

Azken Berriak

Hitzez hitz, etorkizuna berreraiki

Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...

Osagaiz aldizkariaren zenbaki berria sarean dago

Osagaiz osasun-zientzien aldizkariaren zenbaki berria sarean dagoela jakinarazi nahi dizuegu. OEE-Osasungoa Euskalduntzeko Erakundeak eta UEU-Udako Euskal Unibertsitateak egindako argitalpenean, medikuntzari buruzko denetariko artikuluak aurkituko ...

Berri +