25. Osasun Biltzarra: Osasuna eta Kirola
5.21 Atzerrian egon ondoreko sukarra eta malaria
Egileak: Inés Niyubahwe 0, Idoia De Miguel Palacio
0
Atzerrian egon ondoreko sukarra eta malaria
Sarrera
Gaur egun, immigratzen duen jende kopurua handia da, hau da, munduko puntu desberdinetara bidaiatzen dutenena. Horregatik, sukarra duen gaixo baten aurrean, non egon den galdetzeak gero eta garrantzi handiagoa dauka. Horretan oinarrituta, diagnostiko diferentziala zabala izan beharko da, malaria ahaztu gabe.
Urtero 300 - 500 milioi malaria-kasu berri inguru erregistratzen dira eta milioi 1 hildako baino gehiago. Munduko populazioaren %40ak gaixotasun honekin kutsatzeko arriskua du eta 5 urte baino gutxiago duten pazienteen artean lehenengo heriotza gertatu da.
Helburuak
- Atzerrian egon eta geroko sukarraren diagnostiko diferentziala ezagutzea.
- Holako kasuetan nola jardun behar den ikastea.
- Jaioterria eta eguneroko bizitokia ezagutzearen garrantzia azpimarratzea, immunologikoki desberdinak baitira:
1. Nahiz eta atzerrian jaio, bizitzaren denbora gehiena Nafarroan eman duena eta kanpora bidaiatu ondoren sukarrarekin itzuli dena.
2. Bizitza osoa atzerrian eman eta gero, Nafarroara sukarrarekin etorritakoa.
3. Hemengoa izanik atzerrira oporretan joan eta tenperatura altua duena.
- Malaria azaldu eta honetan oinarrituta, pediatriako kasu klinikoa aurkeztu.
Metodoak
Nafarroako Ospitaleguneko pediatria saileko larrialdietako kasu klinikoa. Pubmedeko atzerriko sukar eta malariari buruzko artikulu zientifikoak. Nafarroako Ospitaleguneko sukarraren protokolo jarduera.
Emaitzak
Larrialdietara etorritako gaixoak Malariarekin bat datozen sintomak zituen: 40ºko sukarra, tetraparesia espastikoa, hiporexia eta zonalde endemiko batetik etorri izana. Nahiz eta klinikoa ez espezifikoa izan, sukarra eta zonalde endemiko batetik etortzean, lehendabizi Malaria eta Dengea baztertu behar dira.
Dengea, Sukar Horia, Sukar Hemorragikoak, Gripea eta beste gaixotasun batzuk baztertu ziren.
Odol-analisian: Hemograma, Biokimika, Gasometria, P. Falciparum Antigenemia +, %7ko Parasitazio Indizea, PCR +.
Tratamendua: Atavacuona-Proguanil (Klorokina erresistentziko eremua), serum terapia, monitorizazioa, ospitaliazazioa eta analisia 24 ordu beranduago
Ondorioak
Sukarra duten gaixoei bidaia eta jaioterriei buruzko informazioa eskatzeak diagnostikoan eragin dezake.
Gaixotasun endemikoak dituzten zonaldeetara bidaiatzerakoan profilaxi eta neurri fisikoak azpimarratu.
Malariadun zonalde batetik etorritako edozein pertsonak sukarra eta hiporexia badu, malaria ezeztatu beharko da lehenik.
Orokorrean diagnostikorako Plasmodium antigenemia dago eta tratamendua Klorokina da. Eremuaren arabera, erresistentzia antibiotikoak dira eta Atavacuona Proguanil, Kinina + Doxiciclina edo Kinina + Clindamicina izan daitezke.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
