Helburuak

*Komunean ipini.

Amatasunak eta Aitatasunak, batez ere lehenengo seme-alabarekin dakarren kezka, ezjakintasun, zalantza, beldur, gabezi... guztiak taldera ekarri, modu honetan bakarrik egotearen kontzientzia areagotzen da. Aldi berean, denborarekin ikasten dena eta esperientziak erakusten diguna ere taldera ekarri, egoera horretan daudenei lagundu ahal izateko.

*Konpainia+Tokia=Gunea
Elkartzeko lekua izatea alde batetik eta elkarrekin egoteko aukera bestetik. Modu honetan familien arteko sareak indartzen dira eta dispertsioa nolabait ekiditen da.

*Ikaskuntza eta irakaskuntza

Jakin-nahiak eta jakinak konpartitu, modu honetan prestakuntzak antolatuko dira eta bata bestearengandik ikasiko dute

Metodoak

Deskriptiboa. Proiektu baten deskribapena, ideia sortu zenetik martxan ipini arte.

Emaitzak

Edurnek eta biok Kriantza taldearen inguruan ideia batzuk finkatzen hasi ginen, adibidez; Filosofia, ahalik eta zabalen familia guztiak gain hartu ahal izateko. Espazio eta adin mugak ipini genituen; Haurdun - 2 urte bitarteko umeak zituzten Aezkoako familiak.

Ondoren, dagoeneko martxan zeuden Nafarroako beste Kriantza taldeekin harremanetan jarri ginen zalantzak argitzeko eta Aezkoako familiei eta Osasun eta Hezkuntza profesionalei proiektuaren berri eman genien.

Talde Eragilea sortu genuen proiektua martxan ipintzeko eta Instituzioekin hitzartu beharrekoa hitzartu zen, beraz bilkura asko egin ondoren eta informazio handia jaso ostean , taldea martxan ipini zen.

Ondorioak

Familiek oso ongi jaso zuten taldearen ideia eta astero elkartzen hasi ziren, umeekin joateko gunea da eta nolabaiteko segurtasun eta elkartasun eremua bilakatu da.

Gainera, astero elkartzeaz gain tailerrak programatzen dira eta zonaldeko profesionalek ere parte hartzen dute taldeak eskatzekotan.