Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

27. Osasun Biltzarra 2017: Aniztasuna osasunean

5.5 Abaurregainako emakume nagusiak Martxan!

Egilea: Oihana Lorea Zabalegui

0


pdf  Abaurregainako emakume nagusiak Martxan!

Sarrera

Aezkoan mediku berria lanean hasterakoan, herri bateko adineko jendeari sortzen zitzaizkien kezkak helarazi zizkidaten. Bere ustetan Abaurregainako (132 biztanle dituen herria) adineko jendea triste zegoen, asko oso bakarrik zeuden eta ez zeukaten egitekorik, neguaren gertutasunak ere tristura hori areagotzen zuelarik.

Osasun Etxeko Zuzendaritzarekin eta Abaurregainako Udaletxearekin koordinatu nintzen hasieran eta erraztasun ugari ipini zizkidaten.

Ondoren kontaktu erronda hasi nuen, bai telefonoz bai etxez-etxe, medikuak esandakoa neurtzeko asmoarekin eta jendearen gabeziak ezagutzeko nahiarekin.

Ondorioztatu nuena zera izan zen, bazegoen talde bat, gauzak egiten hasteko gogo biziak zituena; 60 urtetik gorako emakumeak. Beraz, emakume nagusi guztiak bilera batera deitu nituen, asmoak, nahiak, beharrak, ateratzeko asmoz. Bileran guzti hori landu genuen eta zer eta non nahiko zuten egin finkatzen saiatu ginen.

Helburuak

*Elkartzea.
*Etxetik ateratzea.
*Beraien nahi eta gabezien inguruan pentsaraztea.
*Beraiek nahi dutena erabaki ahal izatea.
*Jarduera ezberdinak aurrera eraman ahal izatea.
*Proiektua bereganatzea, taldea autonomo bilakatzea.

Metodoak

Deskriptiboa. Proiektu baten deskribapena, ideia sortu zenetik martxan ipini arte.

Emaitzak

Lehenengo bileratik, Talde Eragilea sortu genuen, taldeko hiru emakumeek eta nik osatu genuen. Hortik aurrera, modu jarraian zein jarduera eramango ziren aurrera eta zein lokaletan egingo zen ezarri genuen, gainera modu ez jarraian egingo ziren jarduerez ere hitz egiten hasi ginen. Horretarako, udaletxearekin oso koordinazio estua egin genuen, lokal eta hornikuntzen gaien inguruan batez ere. Gainera egingo zituzten jarduera ezberdinak aurrera eraman ahal izateko, irakasleak bilatu behar izan genituen.

Bestetik, taldea pixkanaka autonomia hartzen joan zen, eta nire lana, laguntzera, eta jarraipena egitera mugatzen joan zen. Gaur egun, Talde eragilearekin jarraipen bilerak egiten ditugu eta noizbehinka guztiekin elkartzen gara.

Ondorioak

Hiru jarduera astean antolatu dituzte herrian; soinketa, informatika hastapena eta argazki zaharren berreskurapena. Honek, astean hirutan elkartzen direla Udaletxeak utzitako lokaletan dakarrela. Gainera, pixkanaka gizonak gerturatzen hasi dira, batez ere argazkien jarduerara. Gaur egun, soinketan 12 pertsona hartzen dute parte, informatikan 9 eta argazkigintzan 14. Gainera, beraien eskaeraren araberako gai ezberdinetako tailerrak ere antolatzen ditugu.

Azken Berriak

Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...
"Ikerketa-sareak sustatzea da Pediatria Topaketen helburuetako bat"
Apirilaren 3an egingo dituzte XVII. Pediatria Topaketak, Eibarren, Euskal Herriko Lehen Mailako Pediatria Elkarteak eta Euskal Herriko Pediatria Elkarteak antolatuta, OEE-Osasuna Euskalduntzeko Elkartearen eta UEU-Udako Euskal Unibertsitatearen laguntza...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan