27. Osasun Biltzarra 2017: Aniztasuna osasunean
5.3 "Aginduen baieztapena: Ospitaleko botikarien eginkizunetako bat
Egileak: Miren Etxeberria Uriz, Julen Fernandez Gonzalez, Itziar Monteserin Garrastatxu
0
"Aginduen baieztapena: Ospitaleko botikarien eginkizunetako bat
Sarrera
Ospitaleko gaixoei atentzio onena eskaintzeko diziplina anitzeko profesionalen elkarlana egitea da ebidentzia zientifikoak gomendatzen duena. Erizain, mediku eta gainontzeko profesionalen artean gaude ospitaleko botikariak.
Gure egiteko bat da medikamentuaren erabilera seguru eta eraginkorra ziurtatzea. Horretarako, ospitaleko gaixoentzako medikuek egiten dituzten aginduak balioztatzen ditugu, gaixo bakoitzak botika egokia, dosi egokian, maiztasun egokian eta botiken arteko interakziorik gabeko aginduak dituela ziurtatuz. Hau FarHo deituriko programa propioaren bidez egiten da Nafarroako Ospitaleguneko farmazia-zerbitzuan (historia klinikoan medikuek egiten dituzten aginduak islatzen ditu programa honek, stock-arekin lotura zuzena daukan bitartean).
Helburuak
Nafarroako Ospitaleguneko botikariek baieztaturiko aginduen hausnarketa eta azterketa egitea.
Metodoak
Farmaziako FarHo programaren bidez 2015. urtean zehar egin diren baieztapenen datuak lortu dira.
Emaitzak
Guztira, 109.287 agindu baieztatu ziren 2015. urtean. Agindu guzti hauetatik % 13,74 botikarien partetik esku-hartzeren bat jasan zuen eta esku-hartzea jasan zuten aginduetatik % 10,6 akatsen bat zegoelako izan zen. % 37,5 berriz, ospitalean dauden botiketara egokitzapena egiteko izan zen (aldaketa generikoa edo/eta terapeutikoa, beti ere medikuarekin baieztatuta edo ospitaleko farmazia eta terapeutika komisioan akordaturiko aldaketak izanda)
Ondorioak
Urtebetean zehar baieztatzen diren aginduetatik %10,6 akatsen bat zuen, beraz gaixoari iritsi lekiokeen akats ugari saihestu zirela pentsa dezakegu. Beraz, botikarien ospitaleko aginduen baieztapenak, hainbat zereginen artean, medikazio akatsak aurreikustearen helburua duela zeregin berretsi daiteke.
Honez gain, osasungoko diziplina anitzeko taldeen barnean botikariak hartzean, gaixoaren arretaren kalitatea hobetzen da.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
