Helburuak

Gure oinarrizko zonaldean ohiko medikuntzatik kanpo (OMK) dauden osasunerako terapiak aztertu ziren. Aldi berean, horiekin zerikusia duten zenbait elementu ere landu ziren.

Metodoak

Laginketa sistematikoa egin ondoren, 2017ko urtarrilean inkesta telefonikoak egin ziren eta horien analisiarekin, ikerketa deskriptibo transbertsala landu. Inkestetan hurrengo datuak bildu ziren:

1-Generoa eta adina

2-Gaixotasun kroniko bat edukitzea

3- OMK-ko terapiekin esperientzia

4-Erabilitako OMK-ko terapia mota

5-Erabiltzeko arrazoiak

6-Terapia horren eragina

7-Mediku edo erizainarekin esperientzia konpartitu zuten jakitea

8- Terapia berriz erabiliko luketen

9-Osasun publiko arloan aukeran dauden terapiez gain, OMKei buruzko ezagutza izatearen komenentzia

10-OMK-ko esperientziatik zein elementu balioetsi zuten gehien.

Inkestetan , National Center for Complementary and Integrative Healthko OMK diren sailkapena erabili da. Alde batetik,terapia naturalak: belarrak, homeopatia eta dieta bereziak. Beste aldetik, gorputzeko eta buruko terapiak: yoga, akupuntura,masajeak, erlaxatzea, osteopatia, etab.

IBM SPSS Statistics programa erabili zen

Emaitzak

Ikertutako biztanleria: 10,758 pertsona, 15-90 urte tartean.Lagina:300 paziente. Galduta 85

Emaitzak (%-tan. E: emakumezkoak. G: gizonezkoak). E: % 55,3 G % 44.7. Bataz besteko adina: 49,86 urte

OMK Erabili zutena % 51,9

Erabili ziren terapia motei dagokienez: naturalak diren terapiak: %49,5 eta gorputzeko terapiak : %40,5%, terapia mota bat baino gehiago : %10

Erabilpenaren arrazoiak: akutuak diren arazoak %27, hezur edo muskularrak:% 26,1 eta arazo psikologikoak % 15,3 ziren erabilpenaren lehendabiziko 3 arrazoiak

Eragina: %66,7k uste zuen eraginkorra izan zela, % 27k ez zuen eraginkorra ikusten eta % 6,3k ez zekien. Errepikatuko lukete eraginaren % berdinean.

%58,6k uste zuen osasun arloko langileek ohiko medikuntza OMK ezagutu behar dugula, % 36,7k ezetz uste zuen eta % 4,7k ez zekien.

OMK-ko terapietako kontsultetatik gehien baloratzen ziren elementuak: %44,6 ak abordatze integrala, % 34,1ak profesionalen jarrera eta %21,6 ak kontsultan emandako denbora.

Ondorioak

-Ikertutako laginean jendearen erdia baino gehiagok erabili zuen OMK.

-Generoaren arabera estatistikoki azpimarragarria den desberdintasuna aurkitu genuen. Emakumeek erlaxatzea eta yoga gehiago erabiltzen zuten gizonek baino.

OMK erabiltzen zuen jendearentzat osasun arloko langileek OMKri buruz jakitea garrantzitsua dela uste zutenak ziren talde ugariena.

Etorkizunerako, honen inguruan hausnarketa proposatzen dugu “OMK hainbeste jendek erabiltzen badu,OMK-ko mundura hurbiltzea merezi ahal du ?

Bibliografia

• Complementary, Alternative, or IntegrativeHealth: What’sIn a Name? https://nccih.nih.gov/health/integrative-health
• Trendsintheuseofcomplementaryhealthapproachesamongadults: United States, 2002-2012, Clarck TC,et al.NatlHealthStatReport 2015 Feb 10;(79):1-16
• Wellness-relatedUseofCommonComplementaryHealthApproachesAmongAdults: United States, 2012.Stussman BJ,.. NatlHealthStatReport 2015 Nov 4;(85):1-12.