28. Osasun Biltzarra: Komunikazioa - Inkomunikazioa
5.1 Pazienteen transferentzia ospitale arteko lekualdatzeetan. "IDEAS" metodoa.
Egileak: Aitor Saenz-Azkunaga Guerrero, Isabel Virtus Aldanondo, Angel Maeztu Torre, Juncal Fernandez Martinez, Karmele Uribarri Urresti, Angel Marín Tamayo
Emergentziak / Gipuzkoa, Donostia, Arrasate, Bizkaia; Deba Goieneko Ospitalea
Sarrera
Gure eremuan, pazienteen transferentzia zera da: osasun arloko profesionalen artean informazio kliniko garrantzitsua eta pazientearen arretaren gaineko erantzukizuna eskualdatzen duen prozesua.
Transferentziaren helburu nagusia zainketa asistentzialen jarraipena bermatzea da, pazientearentzako ahalik eta segurtasun eta kalitate handienarekin. Horretarako transferentzia-sistema estandarizatuak ezartzea gomendatzen da.
Helburuak
Profesionalei osasun eremuan egiaztatutako tresna eskuratzea, komunikazio eraginkorra hobetzeko. Pazientearen transferentzian, taldeen eta osasun arloko profesionalen arteko komunikazioa estandarizatzea.
Metodoak
Diseinua literaturaren berrikuste sistematikoa egitean datza, PUBMED, CINAHL, CUIDEN Y BIREME (LILACS), BDIE eta COCHRANE LIBRARY datu-base elektronikoetan egindako kontsulten bitartez.
Emaitzak
2013an, Medikuntza Intentsiboko Aldizkari Elektronikoak (REMI) "IDEAS" metodoa argitaratu zuen. Pazientearen transferentziaren estandarizaziorako Checklist-a da, 5 puntuz osatuta dago eta arretaren jarraitutasuna ahalbidetzen duen gutxieneko datu-multzoa bermatzeko beharrezko informazioa dauka.
Identifikazioa
Pazientearen ardura duen profesionalaren identifikazioa.
Pazientearen ardura hartuko duen profesionalaren identifikazioa.
Pazientearen identifikazioa.
Diagnostikoak
Uneko arazoaren (arretaren xedea dena) definizio argi eta estandarizatua, baita aurrekariak, garrantzizko gaixotasun kronikoak, tratamendu garrantzitsuenak eta alergiak ere.
Egoera
Pazientearen bizi-funtzioen azalpen labur eta ordenatua, dauden alterazioak azpimarratuz.
Aktuazioak
Hartutako neurri terapeutikoak eta egiteko daudenak sartzen dira, baita jarraitu beharreko ekintza-plana ere.
Sintomak
Pazientearen alterazioak kontuan izanik, arreta berezia behar duten alderdi garrantzitsuenen (gakoen) laburpena.
Puntu garrantzitsuenak gogorarazi, alergiak barne.
Ondorioak
Pazientearen transferentzia sistematizatuak eta ordenatuak komunikazioaren eraginkortasunari laguntzen dio eta, beraz, era positiboan eragiten du pazientearen segurtasunean.
Ospitalez Kanpoko Emergentzia Zerbitzuetako pazienteen transferentzietarako modelo estandarizatua izan dadin behar diren ezaugarrietako asko biltzen ditu IDEAS metodoak.
Hau dela eta, metodo hau Osakidetzako Emergentzi Zerbitzuetan ezarrita dago eta Pazientearen Segurtasun Taldeak bere erabilera gomendatzen du.
Bibliografia
1. Delgado Morales R. Informazio klinikoaren transmisioa hobetzeko IDEIAK(IDEAS). REMI (2013):13(4) 2. OME 2007. Pazientearen segurtasunerako konponbideak – 3 Konponbide– Pazienteen osasunari buruz informazioak eskualdatzerakoan komunikazioa. 3. The Joint Commission, Joint Commission International.(2007, Maiatxa).Pazienteak eskualdatzerakoan komunikazioa. Pazientearen segurtasunerako konponbideak (1 bol, 3 konponbide).
Azken Berriak
OEEren Osasun Biltzarraren ahozko komunikazioen aurkezpenak ikusgai
OEEren Osasun Biltzarraren bigarren mahai-ingurua ikusgai
