29. Osasun Biltzarra: Osasungintza berria? Bere jardunetik ikasten duen osasun-sistema
5.1 Banan-banakako formula magistralak Araban 2018an
Egileak: Nahikari Vizuete Aldave, Isabel Elizondo López de Landache, Isabel Ruiz de Namuel García
0
Sarrera
Merkatuan eskuragai dauden produktu farmakologikoek, osagai aktiboaren kontzentrazioagatik zein horien aurkezpen fisikoagatik, ez dituzte beti pazientearen behar terapeutikoak asetzen; hori dela eta, banan-banakako formula magistralak beharrezkoak dira kasu bakoitzari dagokion tratamendu egokia luzatzeko. Euskadin, banan-banakako baimen horiek Eusko Jaurlaritzako Osasun Sailak kudeatzen ditu.
Helburuak
Araban 2018. urtean banan-banakako formula magistralen kasuen analisi deskribatzailea egitea, osagai aktiboak, agindu medikuak eta xedeko biztanleria (helduak edo haurrak) kontuan hartuta.
Metodoak
Arabako lurraldean 2018. urtean (abenduaren 15a arte) zehar egin diren banan-banakako formula magistralen bilaketa egin da Osasun eta Kontsumo Sailaren bisatu elektronikoaren aplikazioaz baliatuz.
Emaitzak
2018. urtean, Araban 13 izan dira onartutako banan-banakako formula magistralak, horietatik 10, paziente pediatrikoei zuzenduak. Osagai aktiboei dagokienez, 11 desberdin izan dira bisatua jaso dutenak: Azetazolamida, Azetilzisteina, Karbedilol, Espironolaktona, Kreatina Monohidratoa, Azatioprina, Hidrokortisona, Lorazepam, Gabapentina, Ibermektina eta Griseofulbina; azken hau 13 eskaeratatik 3 kasutan izan da onartua, kasuen % 23,07an (Tinea capitisagatik). Agindu terapeutikoei dagokienez, 8 gaixotasun desberdinek behar izan dute banan-banakako formula magistrala onartzea honako ehunekoetan: % 23,07 Tinea capitis; % 15,38an miokardiopatia dilatatua eta bihotz-gutxiegitasuna; % 15,38 Patau-ren sindromea; eta gainontzekoak, % 7,70 bakoitza: Peters-en anomaliagatiko kornea transplantea, sortzetiko iktiosia, kreatinaren metabolismoaren akatsa, kolitis ultzerosoa, giltzurrungaineko guruinaren sortzetiko hiperplasia eta sarna.
Ondorioak
Banan-banakako formula magistralen kudeaketa burutzen jarraitzea beharrezkoa da, komertzializatuta dauden aurkezpen farmazeutikoekin ez baita nahikoa, kasu batzuen behar medikoak asetzeko.
Azken Berriak
Donostia Ospitalean ere ospatuko dute Euskararen Eguna
OEEren Osasun Biltzarraren hitzaldia ikusgai
