30. Osasun Biltzarra: Prebentzioa Auzolanean
5.3 FARMAZIA KOMUNITARIOA, GIB ETA SIFILISEN PREBENTZIOAN ETA DIAGNOSTIKO GOIZTIARREAN INPLIKATUTAKO OSASUN-BALIABIDE GISA
Egileak: Ainhoa Oñatibia Astibia, Arantxa Arrillaga Arrizabalaga, Maria Luisa Martínez Garcia, Sonia Sanz Olmos, Antonio Arraiza Armendariz
0
Sarrera
Euskal Autonomia Erkidegoko (EAE) farmazia komunitarioek, farmazia-elkargoen eta Osasun Sailaren laguntzarekin batera, GIBaren prebentzioarekin eta diagnostiko goiztiarrarekin lotutako hainbat programatan parte hartu dute. 2009an GIBaren test azkarra jarri zen abian GIBaren diagnostiko goiztiarra errazteko asmoz, test aurreko eta osteko aholkuekin eta zentro espezifikoetara bideratzearekin batera. Susmoa berresteko. 2011n, programa osatzeko asmoz, sifilis test azkarra egiten hasi zen, gizonekin sexua duten gizonei zuzendua.
Helburuak
Euskal Autonomia Erkidegoko farmazietan GIB eta sifiliaren test azkarreko programan lortutako emaitzak deskribatzea.
Metodoak
HIESAren eta sexu-transmisiozko infekzioen planean jasotako datuen azterketa deskribatzailea egiten da.
Emaitzak
2009ko martxotik 2019ko irailera bitartean, GIBaren 28.368 eta 2290 sifilisaren test azkar egin dira Euskadiko farmazietan. Farmazietara testa egitera joaten diren pertsonen % 22,4 gizonekin sexua duten gizonak dira (HSH), % 43,8 gizon heterosexualak (HTX) eta % 25,4 emakumeak. Botikan testa egiten duten pertsona gehienak emaitzaren azkartasunagatik (% 40,7) edo irisgarritasunagatik (% 36,1) egiten dute.
Aldi osoan emaitza positibo guztien prebalentzia % 0,9koa da GIBaren kasuan (n = 243) eta % 3,4koa sifiliaren kasuan. GIBaren emaitza positiboen prebalentzia handiagoa dute HSH-ek populazio orokorrak baino (% 2,1 eta% 0,9, hurrenez hurren).
Ondorioak
Farmazian egindako testen kopuruak eta lortutako emaitzek adierazten dute kolektibo horri zuzendutako kanpainekin jarraitu behar dela eta horrelako zerbitzuak mantendu behar direla.
Azken Berriak
Ikergazte2025 kongresurako artikuluak bidaltzeko epea urtarrilaren 20an zabalduko dute
Ruben Garcia pediatra euskaltzalea gogoan
